ബംഗളൂരു: ഇന്ത്യൻ സൂപ്പർ ലീഗ് (ഐഎസ്എൽ) 2026-27 സീസണ് സെപ്റ്റംബർ ഒന്നു മുതൽ ഏപ്രിൽ 11 വരെ നടക്കും. ഓൾ ഇന്ത്യ ഫുട്ബോൾ ഫെഡറേഷന്റെ (എഐഎഫ്എഫ്) താൽക്കാലിക കലണ്ടർ പ്രകാരമാണ് ഷെഡ്യൂൾ. ഫെഡറേഷൻ കപ്പ് ഏപ്രിൽ 20 മുതൽ മെയ് 10 വരെയും നടക്കും.
താൽക്കാലിക കലണ്ടർ അനുസരിച്ച് ഈ വർഷം വെട്ടിച്ചുരുക്കിയ ഐഎസ്എൽ മത്സരങ്ങൾ ഏഴ് മാസത്തെ പൂർണ സീസണിലേക്ക് മടങ്ങിയെത്തും.
പുരുഷ ഫുട്ബോളിലെ രാജ്യത്തെ രണ്ടാം ലെവലായ ഇന്ത്യൻ ഫുട്ബോൾ ലീഗ് (ഐഎഫ്എൽ) ഒക്ടോബർ ഒന്പത് മുതൽ മാർച്ച് 14 വരെ നടക്കും.
ഇന്ത്യൻ വനിതാ ലീഗ് (ഐഡബ്ല്യുഎൽ) സെപ്റ്റംബർ മൂന്ന് മുതൽ ജനുവരി 24 വരെയും നടക്കും. എക്സിക്യൂട്ടീവ് കമ്മിറ്റിയുടെ അംഗീകാരത്തോടെ ഷെഡ്യൂളിന് അന്തിമ തീരുമാനമാകും.
ഐ ലീഗ് 2 മത്സരം ഫെബ്രുവരി ഒന്നിനും ഏപ്രിൽ 11നുമിടയിലാണ് ഷെഡ്യൂൾ ചെയ്തിരിക്കുന്നത്. അതേസമയം മൂന്നാം ഡിവിഷൻ പുരുഷ ലീഗ് മത്സരങ്ങൾ ഓഗസ്റ്റ് 15 മുതൽ നവംബർ ഏഴ് വരെ നടക്കും.
ജൂലൈ 11 മുതൽ ഓഗസ്റ്റ് 20 വരെ ഡ്യൂറണ്ട് കപ്പ്. ഇന്ത്യൻ വനിതാ ലീഗ് 2 (ഐഡബ്ല്യുഎൽ) ജൂലൈ ഒന്പത് മുതൽ ഓഗസ്റ്റ് 22 വരെ നടക്കും.
സന്തോഷ് ട്രോഫിക്കായുള്ള ദേശീയ ഫുട്ബോൾ ചാന്പ്യൻഷിപ്പ് അടുത്ത വർഷം നവംബർ 19 മുതൽ ജനുവരി 17 വരെ നടത്തും.
ഈ സീസണിലെ ഐഎസ്എൽ സിംഗിൾ ലെഗ് റൗണ്ട് റോബിൻ ഫോർമാറ്റിലാണ് നടന്നത്. ആകെ 91 മത്സരങ്ങൾ നടന്നു.
മോഹൻ ബഗാൻ സൂപ്പർ ജയന്റിനെ മറികടന്ന് ഈസ്റ്റ് ബംഗാൾ എഫ്സി ഐഎസ്എൽ ചരിത്രത്തിൽ ആദ്യമായി ചാന്പ്യന്മാരായി.
Deepika
E-paper LOGIN
LOGIN
